വാർത്തയുടെ മണിക്കൂർ

 വിവാഹം...
അത് സിനിമക്കിടെ
സംപ്രേഷണം ചെയ്യുന്ന
അരമണിക്കൂർ വാർത്ത പോലെയാണ്.


അത് ജീവിതത്തെ മുമ്പെന്നും
പിമ്പെന്നും രണ്ടായി തിരിക്കുന്നു.
ജീവിതത്തിലെ രസകരമായ
ഭാഗങ്ങൾ എല്ലാം വാർത്തക്കു 
മുമ്പേ തീരുന്നു.
എങ്കിലും എല്ലാവരും വാർത്തയെ 
ഇഷ്ടപ്പെടുന്നു.


വാർത്ത കാണുന്നുവെന്നാൽ
മാത്രമേ സമകാലികസംഭവങ്ങൾ
നാമറിയൂ...
ആനുകാലീകമാവാൻ നമുക്കു കഴിയൂ...


വിവാഹവും അങ്ങനെ തന്നെ..
വാർത്തയുടെ തണലിൽ
വിശ്രമം കഴിഞ്ഞാൽ
പ്രതിനായകനു രംഗപ്രവേശം 
ചെയ്യാൻ സമയമായി...
സിനിമയിലും ജീവിതത്തിലും!
അതിനാൽ തന്നെ വാർത്തയെ 
മാത്രമിഷ്ടപ്പെടുന്നവരുമുണ്ട്.


ജീവിതം ഒരു സിനിമയെന്നാൽ,
വിവാഹം വാർത്തയല്ലാതെ 
മറ്റെന്താണ്???